Geographia universalis vetus et nova, complectens Claudii Ptolemaei Alexandrini enarrationis libros VIII

Quorum primus nova translatione Pirckheimheri et accessione commentarioli illustrior quam hactenus fuerit, redditus est. Reliqui cum Graeco et aliis vetustis exemplaribus collati, in infinitis fere locis castigatiores facti sunt. Addita sunt insuper scholia, quibus exoleta urbium, montium, fluviorumque nomina ad nostri seculi morem exponuntur. Succedunt tabulae Ptolemaicae opera Sebastiani Munsteri novo paratae modo. His adiectae sunt plurimae novae tabulae, modernam orbis faciem literis et pictura explicantes, inter quas quaedam antehac Ptolemaeo non fuerunt additae. Ultimo annexum est compendium geographicae descriptionis, in quo varii gentium et regionum ritus et mores excplicantur. Praefixus est quoque universo operi index memorabilium populorum, civitatum, fluviorum, montium, terrarum, lacuum &c. Adiectae sunt huic posteriori editioni novae quaedam tabulae, quae hactenus apud nullam Ptolemaicam impressuram visae sunt